Presyo sa NFA rice, gipasaka ngadto sa P38/kilo

Gipasaka sa National Food Authority Council ang presyo sa pagbaligya sa NFA rice.

Ang NFA rice kay nagsilbi nga buffer stock sa nasud ug kasagarang gigamit panahon sa kalamidad alang sa sunodsunod nga relief operations.

Matod ni NFA Administrator Larry Lacson, gikan sa kanhi P25 ang matag kilo nga presyo sa maong bugas kay mahimo na kining P38.Buot ipasabot, ang Department of Social Welfare and Development ug local government units makapalit og NFA rice gamit ang maong presyo.

Ubos sa P25 matag kilo nga presyo sa NFA rice, moabot sa 40% ang lugi sa gobyerno. Apan, ang bugas nga gipalit gikan sa NFA gigamit usab sa mga relief operations.