Presyo sa bulak atol sa Father’s Day karung adlawa, walay pagsaka

Walay pagsaka sa presyo sa bulak ug cake ning syudad bisan pa sa selebrasyon sa Father’s Day karung adlawa, Hunyo 15, 2025.

Kini gikumpirma sa pipila ka mga flower vendor ug tagdumala og bakery sa lugar.

Matod pa sa usa ka vendor, nagpabiling susa,a ang presyo sa bulak hangtod karong adlawa.

Gidugang pa niya nga ang kasagaran nga pagsaka sa presyo mahitabo lamang panahon sa Valentine’s Day ug Mother’s Day tungod sa taas nga demand.

Gawas sa walay pagtaas sa presyo, mingaw usab ang palitay.

Sumala pa sa ilahang obserbasyon, mas ginapili sa mga anak nga palitan og ilimnon ang ilahang amahan inay nga bulak.

Sa karun, nagpadayon ang regular nga operasyon sa mga tindahan samtang nagpaabot sa mga mamalitay alang sa Father’s Day.