DAVAO CITY – Gipasalig sa musunod nga kahilim sa Department of Education (DepEd) nga si presumptive Vice President Sara Duterte-Carpio nga tubagon sa gobyerno ang panagawan nga magpatuman ug reporma sa DepEd arun nga mumugna ug bag-ong kabataan nga adunay potensiyal isip indibidwal adunay gugma sa nasud ug mupanday sa pagpalig-on sa kalinaw ug kalambuan sa nasud.
Kahinumduman nga walay pagduha-duha nga gidawat ni Mayor Inday ang tanyag ni presumptive President Ferdinand “Bongbong” Marcos Jr. nga manguna sa DepEd ug mutabang sa pagmugna ug “skilled learners” sa nasud.
Samtang una na sab nga gitino ni Liloan City Mayor Christina Frasco, political spokesperson ni Mayor Inday nga wala pay nahisgutan tali sa DepEd kalabot sa pagbalik sa mandatory nga Reserve Officers’ Training Corps (ROTC).
Gihimo ang pagtino sa nahisgutan human ang ulahing pahayag ni Atty. Bruce Rivera, nga buot sumala pa ni Mayor Inday nga ibalik ang mandatory ROTC.
