DAVAO CITY – Boluntaryong mipa-ilalom si Davao City Mayor Sara Duterte-Carpio sa monitored home quarantine dungan sa paglagda isip usaka Person Under Monitoring sa ilalom sa Davao City Health Office.
Kini human mibati ug dili maayong sa iyang panglawas ang usa sa iyang mga empleyado sa balay niadtong milabay nga gabii ug karon kalakip na usab isip Person Under Monitoring.
Kahinumduman nga mitambong si Mayor sara kagahapon sa usaka lunch meeting kauban si Committee on Environment Senator Sherwin Gatchalian sa Manila – kung diin gibutyag usab sa senador nga mipa-ilalom kini sa self-quarantine.
Apan gitin-aw nga wala makasinati ang presidential daughter ug unsa man nga flu-like symptoms.
Mas gipili sumala pa niini nga mopa-ilalom sa self quarantine aron protektahan ang mga tawo nga iyang ika-uban kung ugaling makasinato siya ug dili maayo sa iyang panglawas sa mosunod nga mga adlaw.
Sa karon, naka-confine na si Mayor Sara sa usaka isolated bedroom sulod sa ilang pinoy-anan.
Bisan pa niini, magpadayon lamang gihapon sumala pa kini sa iyang trabaho pinaagi sa mga emailsm, messaging ug videotelecon.
Tanan sumala pang nagkinahanglan sa pagtagad sa Mayor mamahimo sumala pang direkta na lamang nga mo-text kaniya.
