DAVAO CITY – Nagpahigayon kagahapon sa hapon ug pre-evacuation ang Municipal Disaster Risk Reduction and Management Office (MDRRMO) ilalom sa Nabunturan Emergency Response Team (NERT) sa Purok 7, Barangay Linda sa pagpanguna ni Kapitan Nenita Lucido.
Gikanayong sagad sa mga gipahikling mao kadtong nanimuyo daplin sa kasapaan. Pipila sa mga evacuees ang gikan sa tulo ka mga Barangay nga gilangkuban sa Purok 8, MAGSAYSAY nga adunay 41 ka mga pamilya 0 139 ka mga indibidwal; Purok 5,7, 12 ug 14, BUKAL nga adunay 66 ka mga pamilya o 205 ka mga indibidwal, Purok 6,5,4,3, ug 7 sa LINDA adunay 77 ka mga pamilya o 324 indibidwal.
Ang mga nahisgutan anaa matud pa karon sa Evacuation Center sa ilang barangay ug nahatagan na sab ug panginahanglanon sa Municipal Social Welfare and Development Office (MSWDO).
Kahinumduman nga sa milabay nga mga adlaw, nakasinate sab ug mga pagbaha sa nahisgutan nga lalawigan nga maoy hinungdan nga ubay-ubay sab ang gipabakwit ilabi na sa mga residente nga anaa sa flood prone areas.
