DAVAO CITY – Gipangunahan sa mga sakop sa Parish Pastoral Council for Responsible Voting (PPCRV), Comelec ug uban pang hingtungdan nga ahensiya sa kagamhanan ang Ballot ID Verification Testing o pag-check sa mga balota kung ha-om ba ang nakasulat nga ballot ID sa gawas box ug sa nakasulat sa sulod niini.
Anaa sa 15 ka mga kahon ang gi-undan sa mga official ballots ang gipang-check.
Sumala kang Atty. Krisna Caballero ang regional election Attorney ug acting election officer sa first district nga wala silay nakitang suliran sa gipadala nga mga official ballots diin ila gilayon kini nga gibalik pag-seal ayha ihatud sa tagsa-tagsa ka mga polling precincts sa siyudad sa adlaw nga dominggo.
Nasayran nga anaa sa 1,139 ka mga kahon nga gi-undan sa official ballots ang anaa karon sa City Treasurer’s Office (CTO). Alas kuwatro pa lamang sa kaadlawon sa adlaw nga Dominggo ipanghatud na ang mga ballot boxes sa mga nagkadaiyang tulonghaan sa dakbayan.
