DAVAO REGION- Naka-akomodar ang Philippine Ports Authority kon PPA Davao ug kapin 3 million ka mga pasahero nga nagabyahe sa dakbayan padulong sa nagkadiayang destinasyon sa nasud alang sa tuig 2023.
Subay sa datos nga gipagawas sa maong buhatan adunay 5% nga pagsakang nahitabo sa maong ihap diin alang sa tuig 2023 adunay 3,217,985 ka mga indibidual ang na-cater sa maong buhatan kon itandi kini sa tuig 2022 nga anaa sa 3,064,437 ka mga indibidual lamang.
Sumala pa sa tigdumala sa PPA Port Management Office Davao nga si Analee Aguilar nga ang nagpadayong programa ug kampanya niadtong 2023 partikular na ang pagpalambo sa mga pantalan sa tibuok nasud Pilipinas, mao ang nakatampo sa pagsaka sa maong ihap.
Dugang pa sa maong buhatan nga pamatuod lamang kini nga adunay paglambo sa sea transport sector ilabi na gayud sa mga biyahe nga Manila to Davao, Davao to Gensan, to Iloilo, ug pabalik sa Manila.
Gibutyag sa maong opisyal nga og mahuman na ang pagtukod sa Samal Island- Davao City Connector bridge, dako kini og mamahimong tabang sa hisgutanang sea ports sa Samal Island ug malikayan na usab ang paghuot sa mga paaherong buot mosuroy sa maong maanindot nga isla.
via || DMA
