DAVAO CITY- Nagkaubos gihapon ang poverty incidence sa Davao Region base sa datos sa Philippine Statistics Authority (PSA-XI).
Gikanayon sa PSA Social Sector Statistics Service, nga subay sa datus sa Poverty Incidence Among Population, anaa sa 23.5% ang natala sa Davao Region niadtong 2015, diin, miubos kini sa 18.08% niadtong 2018 ug miubos pa ngadto sa 16.08% sa nakalabay nga tuig 2021.
Subay sa Provincial Poverty Incidence Among Population, sa Davao Region, pinakaubos ang natala sa Davao City nga anaa sa 6.2% sa 2018 ug miubos sa 5.1% niadtong milabay’ng tuig.
Samtang, pinakadaghang natala sa Davao Occidental nga anaa sa 30.8% niadtong 2018 ug mas mitaas sa 34.5% sa 2021.
Gisundan kini sa Davao Oriental nga anaa sa 27.7% sa 2018 ug miubos sa 21.8% sa 2021, Davao de Oro nga anaa sa 18.6% sa 2018 ug miubos sa 17.7% sa 2021, Davao del Sur nga anaa sa 13.1% sa 2018 ug 13.0% sa 2021, Davao del Norte nga adunay 10.3% sa 2018 ug miubos sa 7.3% sa 2021.
Gani, aduna gihapoy kalamboan ug mi-ubos gihapon ang poverty incidence sa maong rehiyon bisan paman adunay nasinati nga pandemya.
VIA|| KAYE MARIE GULLE
