DAVAO CITY – Mihangyo ang Poultry operators sa siyudad ngadto sa lokal nga panggamhanan nga paubsan ang taas nga singil nga ipahamtang sa industriya gumikan kay makaapekto na matud pa kini sa ilang poultry operation.
Sa sulat nga ilang gipadala kang Mayor Sara Duterte, mihangyo ang mga miyembro sa Federation of Livestock and Poultry Associations, Raisers and Cooperatives (FLPARC) nga amyendahan ang mipatigbabaw sa revenue code sa siyudad tungod sa pagsaka sa regulatory fee sa manok ilalom sa Ordinance No. 0291-17.
Pipila sa mga signatories ang gilangkuban nila ni Aileen Suy sa Ana’s Breeders Farms, Inc., Dr. Ed Luauaco of San Miguel Foods, Inc., Esperanza Capuyan of Vitarich, Ruben Jaraplasan sa Bounty Agro Ventures, Inc., Johnny Te sa Davao Vless Poultry farm ug Atty. Lalaine Lilibeth Dela Victoria sa Davao Poultry and Egg Producers, Inc.
Subay sa sulat, ang regulatory fees misaka sa 600% gikan sa milabay nga rate sa 2005 Revenue code gikan sa P0.50 ngadto na sa P3.00 matag ulo.
Gibana-banaang 7,000 ka mga empleyado ang direkta sumala pa nga maapektohan sa poultry business sa higayon nga ipatuman na ang pagsaka sa bayrunon sa regulation fee.
