DAVAO CITY – Hangtud karong adlawa na lamang ang ipahigayon nga Postal ID mobile capturing nga gihimo sa Philippine Postal Corporation sulod sa Sangguniang Panglungsod ning dakbayan.
Sumala pa kang Aileen Manjoorsa, Marketing Asst. Philpost Davao, nga tumong sa maong lakang nga dali na lamang ngadto sa publiko ang pagkuha sa maong ID nga dakong tabang gumikan kay valid kini sa higayon nga mokuha ug passport ingon man kung adunay transaksiyon sa mga bangko.
Gihimo sa Philpost ang Postal ID mobile capturing aron nga mapasabot sab sa katawhan ang uban pa nga serbisyo sa ahensiya.
Gitambagan na lamang sa opisyal ang mga mokuha ug postal ID nga magdala ug usa ka valid ID, authenticated birth certificate, Brgy. Certificate o billing statement isip proof of identity, marriage contract sa mga babaye nga minyo ug ang P504.00 nga processing fee.
Plano sab nga bisitahon sa ahensiya ang pipila ka barangay sa dakbayan aron nga dili na malisdan ang mga residente.
