DAVAO CITY – Gipasalig sa Department of Public Works and Highways (DPWH)-Davao nga ablihan na nila ang portion sa Coastal Road aang sa mga motorista sayo sa mosunod nga tuig aron nga masolusyonan ang traffic concerns sa Ulas ug Puan, ning siyudad.
Sumala pa kang DPWH Davao Region chief information officer Dean Ortiz, karong tuiga i-proseso pa nila ang posibling exit sa Talomo area.
Gumikan kay aduna nay tulay sa area paingon sa Central Park, nagpaabot kini nga aduna nay alternatibong rota alang sa mga tawo nga gikan sa south partikular na ang mga gikan sa Toril area.
Gitataw sab sa ahensiya nga ang P26-billion coastal road project sa Davao City target nga ma-kompleto sa tuig 2021. Ang coastal road nagsugod sa Bago Aplaya ug natapos sa Azuela Cove.
Sukad nga nagsugod ang construction sa coastal road sa tuig 2017, nakahimo na sila ug 2.9 kilometers nga dalan ug target nila ang laing 1.1 kilometers gikan sa Punta Dumalag paingon sa Times Beach.
Sa kasamtangan nakahimo na sumala pa ug pagbungkag sa portion sa Times Beach sa Matina area diin aduna matud pay five packages ang ipatuman karong tuiga.
Samtang ang 2017 project, anaa na kini sa 94 percent completion, 65 percent sa 2018 project, samtang sa 2019 project nagsugod pa lamang sila sa construction sa Package 8 hangtud 12.
