Nakabsan na sa kinabuhi si Pope Francis, nga natawo isip Jorge Mario Bergoglio, sa edad nga 88-anyos.
Kini ang gikumpirma sa Vatican pinaagi sa usa ka video statement nga namatay ang Santo Papa atol sa Easter Monday kon karong adlawa alas 7:35 sa buntag oras sa Vatican sumala ni Cardinal Kevin Farrell, Camerlengo of the Apostolic Chamber sa Casa Santa Marta. Halos 12 ka tuig siya nangulo sa Holy See, ang labing taas nga leader nga nagdumala sa Simbahang Katoliko.
Ang iyahang kamatayon naghatod ug kasub-anan sa kapin usa ka bilyon nga mga Katoliko sa tibuok kalibutan. Nailhan si Papa Francisco sa iyang inklusibo ug progresibong pamaagi sa pagtuo lakip ang pagdawat sa mga kababayen-an sa mga buhatan sa Vatican, pagpakita og kalooy sa LGBTQ+ community, ug ang iyahang pagpanguna sa kalibutanong panaghiusa alang sa mga refugee ug mga lumad, ug uban pa nga inisyatibo.
Si Bergoglio mao ang ika-266 nga Santo Papa sa Simbahan nga gikan sa Argentina. Sa pagkakaron ang College of Cardinals mao una ang magdumala sa temporaryo nga mga buluhaton hangtod nga mapili ang sunod nga Santo Papa.
Nasayran nga si Pope Francis ang unang Latin American nga Santo Papa sa kasaysayan sa Simbahan nga gikan sa Society of Jesus.
Natawo si Cardinal Jorge Mario Bergoglio kon Pope Francis niadtong December 17, 1936 sa Flores silingan sa
Buenos Aires, Argentina
Siya ang kamaguwangan sa Lima ka mga anak nila Mario José Bergoglio ug Regina María Sívori
kahinumduman nga pagkahuman sa Lima ka semana nga pagpondo sa ospital tungod sa pneumonia, nakagawas si Pope Francis, gikan sa Gemelli Hospital sa Roma adlaw nga Domingo.
Niadtong Pebrero 14, gidala ang Santo Papa sa ospital tungod sa grabe nga impeksyon sa baga, nga nailhan isip labing delikado nga krisis sa iyang kahimsog sulod sa 12 ka tuig nga pagpangulo sa Vatican.
Mitambong pa usab kini sa mga kalihukan sa simbahan ug ang ulahi niini mao ang Urbi et Orbi diin iyahang gipanawagan ang pagtapos sa gyera sa gaza.
