DAVAO CITY – Gi-awhag ang Land Transportation Office Davao region nga amyendahan ang pagpatuman sa ilang mga polisiya nga nagdili sa mga back riders sa pick-up trucks, multicabs ug trucks.
Gihimo ni Konsehal Conrado Baluran, chairman sa committee on transportation and communications ang pahayag human nga daghanan sumala pa ang nangayo ug pakitabang sa ilang buhatan ilabi na ang mga mag-uuma sa ikatulong distrito ning siyudad nga giilang ilalom sa agricultural sa zoning ordinance.
Sumala pa kang Baluran, nga gipasibaw nila ang sentiyemento sa publiko isip kabahin sa public service.
Kahinumduman nga kaniadtong Setyembre 18, 2019, gilagdaan sa LTO Central Office ang memorandum, nga nagdili sa mga tawo nga mosakay sa likod sa mga pick up trucks nga alang lamang sa cargo ug goods.
Gikanayong ang mga makalapas niini makamulta ug P2,000 ngadto na sa P3,000 o mag-atubang ug suspensiyon sa certificate of public convenience.
Gitataw sab ni Baluran, nga nakigkita siya kang LTO XI regional director lawyer Gomer Dy diin gikanayon niini nga magsilbi siyang representante sa tingog sa katawhan sa dakbayan paingon sa national office.
