DAVAO CITY – Nakig-alayon ang Police Regional Office 11 ngadto na sa mga school heads sa rehiyon aron pahingusgan ang ilang kampanya batok hazing.
Gikanayon ni PRO 11 spokesperson Polcie Major Eudisan Gultiano, bisan pa man nahulog nga isolated case ang nahitabong insidente niadtong Setyembre, ila nang gipalapdan ang information dissemination sa mga tertiary institutions mahitungod sa mga posibleng silot nga atubangon sa mga estudyanteng nalambigit sa mga fraternities ug sororities ilawom sa Republic Act No. 8049 kon Anti-Hazing Act of 1995.
Ginapromotar sab sa kapulisan ang mga organisasyon nga nakigbatok tali sa maong krimen sama sa Kabataan Kontra Droga at Terorismo.
Samtang gikanayon sa school president sa Holy Cross of Davao College na si Bro. Noelvic H. Deloria, kinahanglang magbaton ang matag tulinghaan ug ligdong nga pagdumala sa office of student affairs aron mapaduol ang mga estudyante sa mga schol government aron matabangan ang ilang kapwa estudyante.
Gikumpirma sab ni DCPO Director PCol. Alberto Lupaz nga gikasuhan ang mga nadakpang estudyante nga nalambigit sa hazing insident niadtong Setyembre 18, ning tuiga, nga gikamatyan sa usa ka graduating student sa usa ka dagkong unibersidad sa dakbayan.
via || Bombo LJ Florendo
