DAVAO CITY- Gikwestiyon sa mga miyembro sa Kingdom of Jesus Christ (KOJC) ang nagjogging nga mga police forces duol sa KOJC Compound, Buhangin ning dakbayan sa Davao.
Sa post sa usa ka miyembro sa maong simbahan nga daw bag-o pa lamang nahuman ang ilahang morning prayer sadihang nakita nila ang maong mga kapulisan nga nagjogging atubangan mismo sa ilahang simbahan.
Gipadayag usab niini ang ilahang mulo nga sumala pa nakatampo kini og kahadlok ug kabalaka dili lamang sa ilahang mga miyembro kundi lakip na usab sa ilahang mga estudyante nga gasulod-gawas sa ilahang tulunghaan.
Sumala pa niini nga usa ka psychological warfare kon psy-war ang gihimo niining daw exercise ilabi pa nga dakongg katingala ang nagpabilin kanila kung nganong naka full-gear ang maong mga kapulisan samtang naga-ehersisyo.
Gihatagan niinig gimbug-aton nga daw pagpanghadlok ang ginahimo sa mga kapulisan ngadto kanila.
Alayon niini, gibutyag sa mga miyembro sa KOJC nga andam kuno sila sa unsa mang pagpanghadlok nga pagahimoon batok kanila diin andam kuno usab sila nga ialay ang ilahang kinabuhi kung gikinahanglan.
