DAVAO CITY – Dili sumala pa mohatud og dakong epekto sa ahensiya sa Philippine Drug Enforcement Agency (PDEA) ingon man sa Police Regional Office (PRO) 11 ang nahimong pahayag ni Vice President Leni Robredo nga pakyas sumala pa ang kasamtangan nga administrasyon sa kampanya niini batok iligal nga droga.
Sumala sa Davao City Police Office (DCPO), padayon lamang sila sa ilang trabaho ilabi na ang pagpakgang sa ginadili nga droga gumikan kay usa kini sa ilang trabaho.
Una ng nasayran sa PRO-11 nga sa tuig 2019, nakatala sumala pa sila og 2,313 ka mga indibidwal nga nasikop human nga nalambigit sa ginadili nga droga sa ilang 1,725 ka mga operasyon nga gilusad.
Samtang anaa sab sa 1,105 grams sa shabu, 42 mil ka gramo sa marijuana ug 39 mil ka gramo sa cocaine ang ilang nakumpiska.
Gikanayon sab ni Pol/Capt. Rose Aguilar, tigpamaba sa DCPO, dili matawag nga palpak ang mga lakang sa kapulisan batok sa ginadili nga droga ilabi na kung gihimo sa otoridad ang pagpaningkamut ug ang nakalatid sa balaod.
