Nagtuo ang Philippine National Police nga ania pa sa nasud si Pastor Apollo Quiboloy.
Sumala pa ni PNP Public Information Office Chief Col. Jean Fajardo wala sila’y nadawat nga mga impormasyon kabahin sa mga nanggawas nga report nga atoa na kini sa China.
Gikanayon ni Fajardo, nga adunay mga indikasyon sumala pa nga nagpabilin pa gihapon dinhi sa Pilipinas ang nagtago-tago nga pastor ug ang iyahang mga kaubanan.
Hinuon sumala pa sa opisyal, tanan sumala pa niining nahipos nga mga impormasyon ang ilahang ginaberipika karong panahuna.
Una nang gibutyag sa PNP nga nakadawat na sila ug mga impormasyon kabahin sa gitaguan ni Quiboloy apan moagi sumala pa kini ug hugot nga berepikasyon.
Gibutyag sab sa opisyal nga aduna na sila’y nadawat nga mga impormasyon kabahin sa nahimutangan ni Quiboloy human nga adunay gitanyag ang DILG nga P10M reward money nga gikan sa usa ka pribadong indibidwal alang sa pagkasikop niini.
