Anaa na sa Philippine National Police (PNP) ug sa mga donor kung unsa ang himuon ug kang kinsa ihatag ang P10 milyon nga reward sa pagkaaresto kang Pastor Apollo Quiboloy, kini matod pa ni Interior and Local Goverment Sec. Benhur Abalos.
Gawas kang Quiboloy, mitanyag usab ug P1 milyon sa inpormasyon sa kaubanan niining akusado.
Niadtong adlawng dominggo, gipahayag ni Abalos ang pag-aresto kang Quiboloy sa dakbayan sa Davao.
Matod pa niini, nadakpan si Quiboloy alas-6 sa gabii sulod sa KOJC compound kung diin gipangita kini sa kapulisan sukad niadtong Agusto 24.
Samtang gikumperma usab ni Eastern Mindanao Commander Lieutenant General Luis Bergante nga mi-surrender si Quiboloy sa Intelligence Service of the Armed Forces of the Philippines (ISAFP).
