Gipanghimakak sa Philippine National Police (PNP) nga mitanyag ang kapulisan ug reward sa matag mapatay nga suspek sa ilahang anti-drug operations.
Gitubag ni PNP spokesperson Police Colonel Jean Fajardo ang alegasyon ni Police Colonel Jovie Espenido sa imbestigasyon sa kamara.
Dugang gipahayag pa sa opisyal nga very sweeping ang pamahayag ni Espenido.
Kung aduna kini personal knowledge nga gihatagan ug reward si Colonel Espenido, gipangutana ang nahisgutan nga wala.
Kasamtangan karong giimbestigahan sa kamara ang mga napatay sa drug war sa administrasyon ni kanhi Pangulong Rodrigo Duterte.
Matod pa ni Espenido, P20,000 ang gihatag sa matag mapatay nga suspek u P100,000 sa usa ka malampuson nga buy-bust operation.
Gitawag usab niini ang PNP nga pinakadakong crime sydicate sa nasud.
Si Espenido ang usa ka kontrobersyal nga pulis sa panahon ni Duterte ug gipangunahan niini ang nagkadaiyang major drug operation batok sa mga bigtime nga nagpalusot sa iligal nga droga.
