Gipahinumduman ni Interior Secretary Benhur Abalos ang Philippine National Police (PNP) nga dili patyon ang mga tawo nga gikadudahang nalambigit sa illegal drug trade ug uban pang gidili nga kalihukan.
Sa pagpamulong sa opisyal sa grand launching sa Revitalized-Pulis Sa Barangay (R-PSB) Buhay Ingatan, Droga’y Ayawan (BIDA) sa NCRPO headquarters sa Camp Bagong Diwa, Bicutan Taguig City, mihangyo si Abalos sa mga pulis nga ipatuman ang kampanya sa droga sulod sa katapusan sa balaod.
Ang tanang himuon ang gikinahanglang legal gumikan kay gikinahanglang mahatagan ug importansya ang kinabuhi.
Gi-awhag usab ni Sec. Abalos ang kapulisan ug mga opisyal sa barangay nga dakpon ang tanang migamit ug nagbaligya sa iligal nga droga.
Dugang gipahayag sa opisyal nga importante ang Pulis sa barangay program sa gobyerno sa pagsumpo sa suplay sa iligal nga droga sa nasud.
Kini ang nagpasabot nga magbutang ug mga pulis sa mga barangay kauban ang barangay tanod.
Gihisgutan usab niining ehemplo ang nahisgutang programa ang nahimong epektibo sa pagpakunhod sa krimen ug iligal nga droga sa usa ka barangay sa Muntinlupa City, ug gusto niining sundugon ang programa sa Metro Manila.
Nahimong lahi ang administrasyong Marcos sa mga palisiya batok sa iligal nga droga kung ikumpara sa administrasyong Duterte nga gisaway sa mga human rights ug international community gumikan sa kadaghan sa gipangpatay nga matod pa nalambigit sa iligal nga droga.
Matod pa sa datos sa PNP nga mukabat sa 7,000 katawo ang gipatay sa war on drugs sa Duterte administration, apan ang mga reklamong mi-abot sa International Criminal Court (ICC) ang mi-abot sa 20,000.
