DAVAO CITY- “More than confident” ang kapulisan sa PRO-11 nga anaa sa sulod sa Kingdom of Jesus Christ (KOJC) compound ang puganteng si Apollo Quiboloy.
Kini ang gibutyag ni regional police Brig General Nicolas Torre III ang pagkadiskubre sa “underground area” kung diin mamahimong nagtatago si Quiboloy.
Sa usa ka press conference gikanayon ni Torre nga wala pa nakabiya si Quiboloy sa compound ug gipasalig niini nga anaa pa sa sulod sa compound ang puganteng si Quiboloy.
Dugang pa sa nahisgutan, nga gipangita pa nila ang purtahan sa usa ka “underground area” human kining gipangutana kabahin sa mga reports nga ang mga pulis ang nagkalot sa sulod sa compound.
Pagpasabot pa ni Torre, nga wala nila gikalot ang yuta kondili gipangita lamang ang entrada niini.
