-- ADVERTISEMENT --
Hugot nga gipahimangnuan ni PNP chief Gen. Rommel Marbil ang tanang mga kapulisan niini nga mahimong neutral ug likayan nga mosawsaw sa pulitika.
Giluwan ang nasampit nga pahayag, usa ka semana ayha ang pagsugod sa pagduso sa mga kandidato sa ilahang certificate of candidacy para sa 2025 local and national elections.
Gimando sab niini sa mga kapulisan nga palig-unon ang kanilang pagbantay aron nga malikayan ang unsa man nga krimen nga adunay kalabutan sa piniliay.
Gipahinumduman sab sa PNP Chief nga ang trabaho sa mga kapulisan mao ang papatuman sa balaod nga wala’y gidapigan ug ang kinsa mang kapulisan nga nalambigit sa partisan activities ang kini patubagon.
