DAVAO CITY – Positibo si Comval Rep. Maria Carmen Zamora, nga magmalampuson ang ang ipahigayon nga plebisito sa lalawigan diin gikan sa Compostela Valley hulipan na kini ug Davao de Oro.
Sumala sa opisyal nga sa kasamtangan padayon ang ilang gipahigayon nga kampanya sa mga katawhan sa Comval aron nga moboto pabor sa paghulip sa pangalan sa lalawigan ilabi na nga kini na lamang ang nag-inusarang lalawigan sa Davao region nga wala nagdala ug pulong nga Davao.
Dako ang pagtuo sa Comval nga kung mahulipan na ang ilang pangalan ngadto sa Davao del Oro, mas mailhan na kini sa kadaghanan ug mas mapromotar pa nila ang turismo sa ilang lalawigan.
Una ng gilagdaan ni Pangulong Rodrigo Duterte ang pagtugot nga baylo-an na ang pangalan sa Comval sa milabay nga tuig ug plebisito na lamang ang kulang niini.
