DAVAO CITY- Mipatawag ug panagtigum kagahapong Miyerkules, Hunyo 6 , ang kadumalahan sa Davao City Overland Transport Terminal (DCOTT) tali sa mga opisyal sa mga bus companies aron makalikay sa disgrasya sama sa nahitabo sa terminal sa Dumaguete city nga milahos sa lingkuranan sa mga pasahero.
Gikanayon ni DCOTT manager Aisa Usop mibati siya og tumang kabalaka sa dihang nakita ang nag-viral nga video sa maong panghitabo.
Tungod niini, plano sumala sa terminal nga isibog ang mga limgkuranan sa mga pasahero sa passenger waiting lounge og pipila ka metros, aron malayo gikan sa mga bus units.
Posibling ibutang na lamang ang mga lingkuranan sa kilid nga bahin og dili sa mismong atubangan diin moparking ang mga bus.
Hinuon, gipasaligan sa management sa Ecoland Terminal nga luwas ang tanang mga pasahero sulod sa terminal ilabi na karon nga hingpit nang mibalik ang normal nga dagan sa operasyon niini.
Kahinumduman nga tulo ka mga pasahero sa terminal sa Dumaguete ang naangol sa nahisgutang panghitabo.
By Bombo LJ Florendo
