DAVAO CITY – Gipasakahan na sa kapulisan ug kasong kidnapping with serious illegal detention, child exploitation, ug human trafficking ang pito ka mga suspek nga nasikop sa milabay nga adlaw dungan sa pagkaluwas sa 19 ka mga kabataang lumad sa Cebu.
Ang mga suspek gilangkuban sa duruha ka mga datu, duruha ka magtutudlo ug tulo ka mga “adult” nga estudyanteng Lumad.
Gipresenta ang mga nahisgutan sa inquest proceedings gikan sa Police Regional Office (PRO7) Camp Osmeña, Cebu sa Provincial Prosecutor’s Office sa Davao del Norte, Hall of Justice, Capitol Site, Mankilam, Tagum City pinaagi sa video conference.
Gihatagan ug 15 ka adlaw ang mga nahisgutan aron nga makasumite sa ilang counter-affidavit.
Ang mga kaso batok sa mga suspek tipik lamang sa reklamo sa unom ka mga ginikanan sa mga bata nga naluwas.
Gidala sumala pa sa mga suspek ang ilang mga anak gikan sa Talaingod Davao del Norte kaniadtong 2018 paingon sa Cebu City nga walay pananghid.
Via // Bombo Emman Dela Peña
