DAVAO CITY – Nagpahibalo karon ang ahensiya sa Davao City Water District (DCWD) nga makasinate ang pipila ka mga lugar sa dakbayan ug water interruption sa adlaw nga Biyernes.
Gikanayong mawad-an ug supply sa tubig sulod sa unom ka oras sugod alas nuebe sa buntag hangtud alas tres sa hapon ang pipila ka mga lugar nga giserbisyohan sa Dumoy WSS nga gilangkuban sa pipila ka dapit sa Buhangin partikular na sa Old ug New San Isidro Village, mga lugar sa Milagrosa, Medalla, ug San Isidro, Carlos P. Garcia National Highway (gikan Milagrosa Street paingon New San Isidro Street).
Gumikan sumala pa kini sa himuon nga pag-tap sa auxiliary pipeline ug boundary valves ingon man interconnection sa DMA inlet pipeline sa kasamtangang tubo sa DCWD alang Dumoy WSS DMA Project.
Sa susamang adlaw usab mawad-an ug tubig sulod sa 14 ka oras nga magsugod sa ala una sa hapon hangtud sa alas 3:00 sa kaadlawon sa adlaw nga Sabado ang mga lugar sa Tulip Drive, Ecowest Drive, Ecoland Subd.
Phases 3-A ug 3-B, South Grove, Ecoland Drive, Times Beach, Queensland Compound, Bonguyan Beach, Matina Aplaya Public Market, San Nicolas Village, tibuok Punta Dumalag, Barrio Baki, Gawad Kalinga, ug San Isidro Village.
Samtang hinay nga tubig ngadto na sa walay agas ang masinatian usab sa Matina Executive Homes, RPJ Village, Seaside Subd., Alpha Homes, Matina Aplaya Shanghai Village HOA, Del Carmen Village, Seaside, Norton , Pag-asa , Maharlika , Malinawon , Matina Teachers , Ultra Homes, Fatima Village, New Society Village, Pioneer , Batangueño Village, Diamond , Cristina , Poly Subd., Delta Homes, ug Tan Subd.
Aduna pa gihapoy ipahigayon nga pagkumpuni ang ahensiya sa mga linya sa tubo sa nahisgutan nga area.
Samtang pito sab ka oras nga mawad-an ug supply sa tubig nga magsugod sa alas otso sa gabie sa biyernes hangtud na sa alas tres kaadlawon sa sabado ang tibuok area sa Peñano Street, Sitio Balite, Anthurium Street, Palarca Compound, Dominga Village, Monteverde, Puroks 2, 3, 4, 5, 6, 10, ug 12, ug Gawad Kalinga.
Samtang hinay ngadto na sa walay agas ang masinatian sa Calinan Proper, Abayon Subd., Park Avenue, Lagazo Village, ug Rubber Village kini gumikan pa gihapon sa ipahigayon nga pagkumpuni.
Karun pa lang gipahimangnoan na sa DCWD sa mga maapektohan nga mga residente nga magtigom na daan ug tubig.
