DAVAO CITY – Wagtangon sumala pa sa lokal nga panggamhanan ang mga dili maayong posisyon. Sumala pa kang konsehal alberto Ungab, head sa head sa committee on appointments and government reorganization, nga gi-review na karon ang pipila ka mga posisyon ug buhatan sa executive department human nga gihangyo kini ni Davao City Mayor Sara Duterte-Carpio.
Gitataw ni Ungab nga among revamp ug reclassification sa pipila ka mga posisyon sa lokal nga panggamhanan ang nakabase sa Department of Budget and Management’s 2018 revised edition sa Index of Occupational Services, Occupational Groups, Classes au Salary.
Gitataw sab ni Ungab atol sa committee hearing nga ang City Archives and Records Office (Caro) ang usa sa mga buhatan nga kinahanglan mopailalom sa reclassification.
Gikanayon sa Konsehal nga ang Caro nga adunay book binders ug records officer position kini nga i-reclassified ngadto sa information technology positions. Gikatakda sab nga mopailalom ang City Health Office (CHO) sa revamp sanglit ang ilang food ug drug section ang i-terminate gumikan kay ilalom na sila sa hurisdiksiyon sa Food and Drug Administration (FDA).
Wala sumala pay empleyado sa CHO ang ma-terminate sanglit ang food ug drug section ang dugay na nga nabakante.
Gitataw sab sa opisyal nga Human Resource Management Office mohatag ug master list sa mga posisyon nga kinahanglan bakantehon.
Samtang ang buhatan sama sa City Legal Office ug City Economic Enterprise ang kinahanglan sab nga ire-aligned sa lain nga dibisyon. Isapinal sab nila ang reclassification nga iduso alang sa second reading.
