DAVAO CITY – Gumikan sa mipatigbabaw nga Inter-tropical Convergence Zone (ITCZ) daghanang mga lugar sa Davao region kalakip na dinhi sa dakbayan sa Davao ang nakasinate ug mga pag-ulan kagahapong adlawa.
Apan wala kini nahimong babag sa mga botante arun nga dili moboto partikular na sa lalawigan sa Baganga Davao Oriental nga adunay mga lugar nga nakasinate ug mga pagbaha.
Gani adunay mga dapit sab nga nakasinate ug pagdahili sa yuta.
Hinuon mismong mga residente na ang nagpahigayon ug clearing operations kini arun dili maapektohan ang mga residente sa pag-adto sa mga polling precincts.
Nagpahimangno sab ang Municipal ug Provincial Disaster Risk Reduction and Management Office ngadto sa mga residente nga kanunay nga mag-igmat ilabi na nga padayon pa gihapon nga masinatian ang mga pag-ulan ug pagdaut sa panahon kini arun nga makalikay sa disgrasya.
