DAVAO CITY – Nakasinati og mga pagbaha ang pipila ka mga lugar sa dakbayan kagabii human ang kusog nga pagbundak sa ulan.
Usa sa gitutokan sa City Disaster Risk Reduction and Management Office (CDRRMO) mao ang Talomo River nga misaka ang level sa tubig hinungdan nga adunay gipatuman nga pre-emptive evacuation sa mga residente sa lugar.
Kalakip sab sa gibaha kagabie ang Phase 3, Block 28, NHA Bangkal, Brgy. Talomo Proper ning siyudad.
Kahinumduman nga ang Talomo area maoy sagad nga makasinate og pagbaha diin sa milabay nga mga katuigan, daghanang mga residente sab ang mihikling sa maong dapit.
Kanunay sab ang pahimangno karon sa Davao CDRRMO sa mga residente nga kanunay mag-igmat ug dili na hulaton pa nga musaka pag-ayo ang baha aron nga dili mabutang sa risgo ang kinabuhi.
