Nagpahigayon ug lihok protesta ang grupo nga Kalinaw sa Southeastern Mindanao sa Freedom Park, Roxas Avenue ning dakbayan sa Davao kaganihang buntag.
Sumala pa ni Pedro Arado nga kabahin sa Council sa nasampit nga grupo nga ilahang gilusad ang March Rally for Truth, Peace and Integrity alang sa nagsingabot nga May 2025 National and Local Elections.
Gibutyag usab sa nahisgutan nga tumong sa ilahang gihimong kalihukan mao ang paghatag og pahimangno sa katawhan kabahin sa mga partylist group nga dili angayan nga suportahan.
Giawhag sa maong grupo ang katawhan nga suportahan ang mga grupo nga adunay maayung tumong sa katawhan ug pilion ang maghatag og pagrespeto sa katungod sa mga katawhan ilabi na sa ma tribu nga anaa sa kabuhkiran.
Gipanawagan usab niini nga dili suportahan ang mga grupo nga konektado sa pagpang-recruit sumala pa aron nga mahimong myembro sa Communist Party of the Philippines – New People’s Army – National Democratic Front of the Philippines (CPP-NPA-NDFP).
Giklaro usab niini nga ang ilahang panawagan dili usa ka matang sa red tagging gumikan tunmong lamang niini nga malikay sa kaalautan ang mga katawhan ilabi na sa mga kabatan-unan.
Samtang giangkon sa nasampit nga grupo nga pipila kanila ang kanhing mga myembro sa NPA nga nahigmata na sa mga kamatuoran ilabi na sa mga hiwi nga mga binuhatan sa mga rebeldeng grupo.
Gawas sa ilahang gihimong pagpasibaw sa Fredom Park, gilusad usab niini ang pagmartsa padulong sa San Pedro St. Rizal ark, Claveria ug balik sa Freedom Park.
Nasayran nga gikan pa ang maga nahisgutan sa mga Probinsya sa Davao De Oro, Davao Del Norte ug Bukidnon.
