DAVAO CITY – Nakugang ang pipila ka mga botante kagahapong adlawa sa Digos City tungod sa gikahadlokan nga usa ka bag nga gibilin sa usa ka area sa Rizal Avenue sa Barangay Zone 1 Digos City pasado alas 5:00 kagahapon sa hapon.
Hinuon paspas sab dayon nga miresponde ang mga personahe sa EOD-team ingon ma kapulisan sa Digos City kini arun masiguro nga luwas ang dapit hangtud nga miabot na sa ang nanag-iya sa bag.
Una ng nasayran kang PLt. Col. Hamlet Lerios nga bato lamang nga giputos sa yellow nga scatch tape ug gibutangan pa ug wire.
Nanganti ang otoridad nga manubag sa balaud ang mga madakpan nga mohimo ug susama nga lakang ilabi na nga hugtanong gidili sa balaud ang bomb joke. Padayon karon ang gilusad nga imbestigasyon sa otoridad.
