Nagpadayag sa ilahang kaguol ug pakigbisog ang pipila ka mga artista ug direktor sa pelikula human mahibal-an ang balita sa pagpanaw sa beteranang aktres ug singer nga si Nora Aunor.
Nanguna sa mga nagpadayag sa ilahang gibating kaguol mao ang giisip nga labingsuod nga karibal ni Aunor sa industriya sa pelikula, si Vilma Santos, nga nagpasalamat sa mipanaw nga aktres tungod sa ilahang pagkuyog sa pelikulang “T-Bird at Ako” kaniadtong 1982.
Nahimong magkaribal ang mga fans ni Santos ug Aunor nga misugod sa panahon sa ilahang kasikatan, nga adunay mga tawag nga mga Vilmanians ug Noranians.
Samtang si Hilda Koronel, usa usab ka beteranang aktres, nagpaambit nga plano unta nila nga maghimo og reunion movie uban si Aunor.
Kauban ni Koronel si Aunor sa pelikulang “Gaano Kadalas ang Minsan” nga gipasalida niadtong 1982.
Si Cherry Pie Picache usab nagpost og litrato ni Aunor sa social media isip timaan sa iyahang pag-ampo ug pagpangadyi alang sa aktres.
Nakauban ni Picache si Aunor sa pelikulang “Whistleblower” niadtong 2016.
Nagpagawas usab og tribute video ang Director’s Guild of the Philippines Inc., diin ilahang gidayeg ang kamaayu ni Aunor sa pag-arte.
Nasayran nga ang iyahang mga anak nga sila Kristoffer Ian de Leon ug Lotlot de Leon maoy nagkumpirma sa iyahang pagpanaw sa kagabii (Abril 16).
