DAVAO CITY – Gikanayon ni Estilla Rugay Bachinicha, lumad nga taga Talisayan, Misamis Oriental ug kasamtangan nga nanimuyo sa Changwon South Korea nga maayo ang ilang kahimtang luyo sa bahad sa Corona Virus Disease (Covid-19).
Apan aduna sumala pay pipila ka mga aktibidad ang Pinoy nga anaa sa lugar ang temporaryo karon nga gihunong sama na lamang sa mga ginapahigayon nga santos nga misa kini aron malikayan ang pagkuyanap sa virus.
Gikanayong sirado sab ang ilang opisina sa kasamtangan ug bugtong pipila ka mga staff lamang ang gitugutan nga makasulod.
Gani aduna sumala pa siyay gitabangan nga Pinay nga atiman ug nationa pension gumikan kay buot na niining mopauli sa Pilipinas apan sa gawas lamang sa opisina gihimo ang transaksiyon isip paglikay sa Covid-19.
Nasayran nga dugay na sab si Estilla sa Changwon South Korea gumikan kay nakaminyo na kini ug koreano ug aduna na sab silay anak.
Sa kasamtangan, bugtong pag-amping lamang ang ilang gihimo aron nga dili matakdan sa Covid-19.
Nasayran sa nahisgutan nga kapin usa ka oras lamang ang gilay-on nila sa Daegu diin natala ang outbreak sa Covid-19 sa korea hinungdan nga doble amping sila sa kasamtangan.
Nanawagan na lamang kini sa iyang kabanay nga anaa sa Pilipinas nga dili angayan nga mabalaka sanglit anaa sa maayo ang ilang kahimtang.
