DAVAO CITY- Gumikan sa nasinatiang Low Pressure Area o LPA nga nakaapekto sa tibouk dakbayan sa Davao ingon man sa pipila ka bahin sa Mindanao, nagpatuman og suspension o cancellation of classes sa tanang lebel ang tulo ka mga barangay diri sa syudad diin gilangkuban kini sa barangay Marilog Proper, Baganihan ug Buda.
Sa pikas bahin, gideklara usab ang pag-suspende sa klase sa tanang lebel mapa publiko o pribadong tulonghaan man sa tibouk probinsya sa Davao de Oro karong adlawa gumikan pa gihapon sa bahad nga posibleng mahatud sa kanhi tropical depression Queenie nga karon usa na lamang ka Low Pressure Area.
Samtang, nagpagula sab og Executive Order No. 96 ang lokal nga panggamhanan sa Mati City alang sa pagsuspende sa tanang klase sa mga pampublikong tulonghaan gikan Kinder hangtud Grade 12 gumikan sa kusog nga pagbundak sa ulan nga nasinatian sa syudad.
Subay niini, nagpadayon ang hugot nga monitoring sa tagsa-tagsa ka mga lokalidad sa rehiyon unse ilabi na sa mga hazard prone areas o mga lugar nga dali lamang makasinati og pagbaho ug pagdahili sa yuta.
