DAVAO CITY- Nagpahibalo karon ang Davao Light and Power Company sa mga konsumante nga adunay walo ka oras nga mahitabong power interruption sa pipila ka bahin sa syudad, nga magsugod karong adlawa hangtod Biyernes karong semanaha.
Subay sa abiso sa kompanya, adunay nakasinati nga walay suplay sa kuryente kaganihang alas siyete sa buntag hangtod sa alas 3 sa hapon,mao kana ang tibuok lugar sa Barangay Malamba Marilog District.
Samtang ugmang adlawa, magsugod sa alas 9 sa buntag hangtod alas 5 sa hapon, mahitabo ang power interruption sa pipila ka bahin sa Bangkal.
Samtang sa adlaw nga Biyernes magsugod sa alas 6 sa buntag hangtod alas 2 sa hapon, adunay mahitabo nga walay suplay sa kuryente sa pipila ka bahin sa Juna Subdivision, Matina Crossing, samtang subli nga makasinate ang Bangkal ug walay kuryente sa alas 9 sa buntag hangtod alas 5 sa hapon.
Sumala pa sa DLPC, ang rason sa mga power interruption mao ang ipahigayon niini nga pag-upgrade sa mga linya sa kuryente sa mga poste ug uban pang ipahigayon nga maintenance activies.
Samatang sa laing bahin gumikan sa pagsaka sa bayrunon sa kuryente gikatakda nga ipatawag ang DLPC sa sunod nga sesyon sa Sanguniang Panglungsod sa dakbayan aron nga mohatag ug katin-awan sa pagsaka niini power rate karong bulan nga una na sab nga gi-anunsyo sa kompanya.
Sumala pa ni Second Dist. Davao City Councilor Louie John J. Bonguyan nga ipatawag nila sunod semana ang mga opisyal sa DLPC.
Una ng gimolo sa mga katawhan sa dakbayan ang taas nga bayrunon sa kuryente nga dako ang deperensya sa nakalabay nga mga bula.
Una na sab nga girason sa kompanya nga kini gumikan sa nasinati-an nga ting-init sa dakong bahin sa nasud nga maoy hinungdan nga minihit ang suplay sa kuryente.
