DAVAO CITY – Patay ang usaka piniriso human kini ang naghikog sulod sa CR sa Davao City Jail – Annex sa Maa ning dakbayan sa Dabaw. Giila ang biktima nga si Alvin Epaño Tabacon.
Subay sa report, wala nay kinabuhi nga nakaplagan si Tabacon alas 5:30 sa sayong kabuntagon sulod sa banyo sa nahisgutang bilangguan.
Gigamit sumala pa niini ang tie box pinaagi sa paghigot sa iyang liog nga bahin diin nagbitay na kining nakita-an sa iyang mga kaubanang inmate.
Sa inisyal nga report, nalambigit si Tabacon sa kasong carnapping.
Nagtuo ang mga otoridad nga usa sa posibling hinungdan sa pagpakamatay niini mao sumala pa ang depresyon gumikan kay dugay na kining wala giduaw sa iyang pamilya gumikan sa nasinatiang pandemya.
Gisulayan pa kini sa pagdala sa ospital apan, gideklara na kining dead on arrival.
Hinuon, padayon pang mihimo ug lalom nga imbestigasyon ang davao city jail aron masayran nga tinuod nga hinungdan sa maong panghitabo.
