Atubangon karon ang usa ka dakong hagit sa Pinay tennis star nga si Alex Eala sa ikaduhang round sa WTA 125 Philippine Women’s Open.
Makig-atubang si Eala kang Himeno Sakatsume sa Japan sa round of 16 sa torneyo nga ipahigayon sa Rizal Memorial Tennis Center alas 6:00 karong gabii.
Ikaduha na kini nga higayon nga mag-atubang ang duha, diin sa ilahang unang panag-atubang niadtong 2023 sa Osaka, Japan, napildi si Eala sa Japanese tennis player.
Bisan paman niini, wala nagpakakumpyansa ang 24-anyos nga Japanese tennis player nga anaa sa ranked 140, tungod kay dako na ang kausaban ug paglambo nga gipakita ni Eala.
Matod pa niya, lahi na karon ang katakos sa Pinay tennis star kung itandi sa miaging tuig.
Kahinumduman nga napildi ni Eala si Alina Charaeva sa Russia sa unang round sa maong torneyo.
