Gipakita ni Aira Villegas ang katakus niini sa boksing homan gipilde sa nahisgutan ang Moroccan boxer nga si Yasmine Mouttaki pinaagi sa unanimous decision sa ilahang women’s 50 kg sa Paris Olympics.
Mitala si Villegas sa lima ka mga judges ug 30-27, 29-28, 29-28, 29-28, 29-28 nga nagsugod sa kampanya sa Philippine boxing team.
Gumikan kay anaa pa gihapon sa balanse ang resulta pagkahoman sa duha ka round, giselyuhan ni Villegas ang deal pinaagi sa mga cleaner shot sa final salvo, lakip na ang well-timed left straight to the head sulod sa katapusang napulo ka segundo.
Gihan-ay na usab ni Villegas ang round of 16 nga pakigsangka niini sa second seed nga si Roumaysa Boualam sa Algeria karong adlaw nga huwebes.
Ang gipasegarbo sa Tacloban City ang nagkinahanglan na lamang ug duha kadaug aron makuha ang usa ka medalya, kung diin ang semifinalists ang garantisadong makakuha ug bronze medal.
Samtang sa mga mosunod nga adlaw makigsangka usab sila si Eumir Marcial, Nesthy Petecio, Carlo Paalam, ug Hergie Bacyadan.
