Gikabutyag nga usa ka lighter nga ginama sa 400 grams nga bulawan ug mga brilyante, ang ginatawag nga pinakamahal nga lighter sa tibuok kalibutan.
Gimugna sa French luxury brand nga S.T. Dupont ang lighter nga ginganlan ug “Louis XIII Fleur de Parme” homan nag-request niini ang Hong Kong billionaire nga si Steven Hung.
Paboritong topic ni Hung ang French history, hinungdan nga ang gusto niining disenyo sa iyahang lighter ang adunay kalabutan sa kasaysayan sa Pransya.
Ang gitahasan nga magdisenyo niini mao si Princess Tania de Bourbon Parme, ang usa sa direct descendant ni King Louis XIII, ang hari sa France niadtong 16th century.
Kauban ni Tania ang uban pang 80 ka mga artisans ug sa sulod sa unom kabulan, gitabangan nila sa paghuna-huna ang disenyo niini.
Gimugna ang lighter sa 400 grams nga gold ug 152 kabuok nga diamonds.
Mubalor sa $500,000 o katugbang sa P28.4 million ang nahisgutang lighter ug gitawag kini nga “Most Expensive Cigar Lighter” sa Guinness World Records.
