Gikinahanglang andam ang Pilipinas sa bisan unsang external threats sa nagkataas nga geopolitical tension sa Indo-Pacific.
Kini ang giluwatang pamahayag ni Pangulong Ferdinand Marcos Jr. sa dihang giistoryahan niini ang mga miyembro sa Philippine Army’s 5th Infantry Division sa Camp Melchor dela Cruz sa Gamu, Isabela.
Matod pa sa Pangulo, haduol lamang ang Pilipinas sa Taiwan kung diin nagpadayag usab ug interes ang China, hinungdan nga ang norte nga bahin sa nasud ang gikinahanglang andam sa bisan unsang panghitabo.
Giklaro usab sa Presidente nga gimintinar sa Pilipinas kung unsa ang ato-a ug dili kini pwede nga sayo lamang kuhaon bisan usa ka pulgada sa teritoryo sa nasud.
Ang Cagayan ang nahilakip sa Enhanced Defense Cooperation Agreement (EDCA) gumikan sa geopolitical landscape ug mga pagpanghulga.
