DAVAO DE ORO- Nabalintong ang usa ka Ford Ranger pick up truck sa Daang Maharlika Purok 1A, Brgy. Poblacion,Mawab, Davao de Oro bandang alas 4 sa hapon, kagahapong adlawa.
Pagsaysay sa Traffic Investigator sa Mawab Police Station nga matud pa ang maong sakyanan nga gimanehoan ni Jerson Gardose, 35-anyos ang gikan sa Tagum City og padulong unta ngadto sa Sta. Josefa, Agusan del Sur.
Matud pa nga, pag-abot sa nahitabon sa insidente, nawad-an matud pa og kontrol ang maong drayber tungod sa kadamlog sa dalan hinungdan nga nabanggaan niini ang Toyota Innova gikan sa Butuan City nga padulong sa Davao City.
Mahitungod sa kakusog sa nahimong impact sa pagkabanga, miresulta kini sa pagkanabalintong sa sakyanan nga pick-up. Human sa maong panghitabo, daling gidala ngadto sa pinakaduol nga balay tambalanan ang pito ka mga sakay sa pick-up og ning kasamtangan nagapaalim na ang maong mga indibidual.
