Ginakonsidera karon sa Philippine Postal Corporation (PHLPost) ang pagpagawas og stamp nga maghatag og pag-ila kang Pope Francis.Sumala ni PHLPost Postmaster General Luis Carlos, nakahimo na sila og inisyal nga meeting sa Stamp Committee ug gipresenta na ang plano nga magpagawas og Pope Francis stamp.
Giduso usab ni Carlos nga posible nga tangkilikon kini sa publiko ang maong stamp. Apan, kinahanglan pa nilang magsabot ug maayo kabahin sa disenyo sa Pope Francis stamp sa dili pa kini ipagawas ug i-imprenta. Kung magpadayon ang plano, posible nga sa sunod nga semana mapagawas na ang bag-ong stamp.
Gipasabot ni Carlos nga 5,000 hangtod 10,000 ka mga kopya sa Pope Francis stamp ang ilahang ipagawas, depende sa panginahanglanon.
kahinumduman, niadtong 2014, nagpagawas ang PHLPost og unang Pope Francis stamp nga nakab-ot ang 90,000 ka mga kopya, ug kini usa sa mga stamp nga gitangkilik og maayo sa mga Pilipino.
