DAVAO REGION- Gipasundayag ni Christian A. Sanchez, Senior Trade-Industry Development Specialist sa Department of Trade and Industry Davao Del Sur ang bag-uhay lamang natapos nga Philippine Coffee Quality Competition kon PCQC 2024.
Sumala ni Sanchez nga ang maong tinuig nga kalihukan ang gidesenyo aron mailhan ug mapromotar ang pinakanidot nga kalidad sa kape.
Matud pa nga ang maong plataporma sa mga mag-uuma og kape ang makapakita sa quality coffee nga mamahimo nilang maserve ngadto sa mga konsumante.
Ang PCQC 2024 mao na ang ika-unom nga tuig diin nasugdan kini niadtong tuig 2018 sa Baguio City diin gipahigayon usab ang Philippine Coffee Expo.
Duhang pa ni Sanchez nga daghang mga coffee farmers ang misalmot sa maong kompetisyon diin gipahigayon kini niadtong Hunyo 9, 2024 sa SPACE, One Ayala Mall Makati City.
Dako usab ang kalipay sa mga misalmot sa coffee farmers sa maong kompetisyon ilabi na ang mga gitanghal nga mananaug. Pagbutyag ni Sanchez nga sa dose ka mga Arabica Winners, pito niini ka mgai ndibidual ang naggikan sa Davao del Sur nga mao ang mga mosunod:
TOP 1 – Arnel Morales (Score: 84.95)- gipasidunggan usab kini siya og usa ka special award nga mao ang Best Natural Procesed
Top 4 – Rogelio Gonzales (Score: 84.18)
Top 5 – Josephine Libres (Score: 84.07)
Top 7 – Ronald Dicdican (Score: 83.63)
Top 8 – Sergio Loon (Score: 83.60)
Top 9 – Dione Ellaga (Score: 83.39)
Top 12 – Analyn Bunal (Score: 82.70)
Samtang si Nancy Libres usab ang nakadawat og special award nga Best Honey Processed.
Pagbutyag pa niini nga gipasiugdahan ang PCQC sa nagkadaiyang pribadong grupo nga nagasuporta sa industriya sa kape susama sa mga grupo nga Barista Coffee Academy of Asia, Philippine Coffee Guild, Non-government Organizations ug uban pang pribadong sektor.
Gisuportahan usab kini sa nagkadaiyang ahensya sa gobyerno diin nag-unang nagasuporta niini mao ang Department of Agriculture, sunod niana ang Department of Trade and Industry ug ang mga anaa sa lokal nga panggamhanan sa nagdaiyang lugar sa rehiyon onse.
Matud pa nga ang DTI mao ang usa sa mga miyembro sa technical nga grupo diin mao kini ang nagadumala sa policy and guidelines sa PCQC.
Ang DTI usab ang gitahasan nga mofacilitate sa pag-enganyo sa mga coffee farmes nga moapil sa susamang kompetisyon.
via// DMA
