DAVAO CITY – Gipanghimakak sa usa ka Pharmaceutical companies ang alegasyon kalabot sa face mask hoarding atubangan sa nagpabilin nga bahad sa coronavirus disease (Covid-19).
Sumala pa kang konsehal Nilo Abellera, committee head on trade, commerce, and industry, laraw karon sa Department of Trade and Industry (DTI)-Davao Region ug Department of Health (DOH)-Davao Region nga imbestigahan ang posibleng hoarding sa medical face masks nga nahurot na karon sa halos tanan nga mga pharmacies sa siyudad.
Una na sab nga gi-awhag ang mga medical companies ug pharmaceuticals nga maghimo ug medical face masks pinaagi sa mass production ug distribution sa matag barangay sa dakbayan.
Daghanang mga hospital sab ang nanginahanglan karon ug facemask aron nga ma-protektahan ang ilang kaugalingon batok sa virus.
