DAVAO CITY – Padayon pa karon nga gipanubayan sa Sta. Ana Police station kung si kinsa ang responsable sa duruha ka mga indibidwal kagahapon sa hapon duol sa sabongan sa Aquino Coliseum Gallera, Agdao ning dakbayan.
Una ng naila ang mga biktima nga sila si Jul Vincent Manzanares, 26 anyos, ulitawo, residente sa 01 Guiho St., Nova Tierra Village Davao City, negosyante ug PCPL Kronish Alvaira, 30, Purok 2, Brgy Mainit, Comval.
Sumala sa mga nakasaksi, daw armalite ang gigamit sa pagpamusil gumikan sa daghan ug sunod-sunod nga buto nga miabot matud pa og 25 ka higayon.
Sa inisyal nga imbestigasyon sa otoridad, nakuha sa posisyon ni Manzares ang kapin 100,000 ka pesos nga salapi.
Gipalawman pa karon sa kapulisan ang pagpanubay aron nga masayran ang mipaluyo sa krimen.
Personal nga kasuko ang usa sa gitutokan nga motibo sa pagpatay sa biktima. Narekober sab sa kapulisan ang 5 ka basiyo sa 5.56 mm; 45 cal.-19 ug laing .45 cal. anaa sa walo.
