DAVAO CITY – Kabsan sa kinabuhi ang usa ka lalaki homan kini nga gipusil patay samtang anaa sa bisinidad sa Municipal Circuit Trial Court sa Malalag, Davao del Sur.
Giila ang biktima nga si Alex Rabadon Apostadero kinsa residente sa Harada Butai, Padada, Davao del Sur.
Sumala sa Malalag MPS, Person Under Police Custody o PUPC nila si Apostadero kinsa suspek sa kasong Attempted Robbery, Rape ug pagpangawat.
Pasado alas 8:40 sa buntag nag paabot si Apostadero sa hagdaan sa MCTC alan sa iyang scheduled Arraignment ug Pre-Trial sa kasong giatubang, kalit lang matod pa kining gipusil sa wala mailhing suspetsado nga dali matod pang nakasibat.
Gilayon usab nga gidala sa Davao Sur Provincial Hospital sa Digos City ang biktima pero gideklara kining dead on arrival sa attending physician.
Narekober sa crime scene ang kabhang sa bala sa cal.45 pistol. Samtang gilayon usab nga naglusad og hot pursuit operation ug checkpoint ang Malalag MPS aron madakpan ang niikyas nga suspek. Personal grudge ang usa sa mga gilantaw karon nga motibo sa pagpamusil ngadto sa biktima.
