DAVAO CITY – Gipasalig ni 2nd District Councilor Diosdado Mahipus Jr., nga ang penalty nga makuha gikan sa pagpatuman sa single-use-plastic ordinance ang gamiton pa gihapon alang sa pagprotekta sa kinaiyahan.
Kahinumduman nga ilalom sa komitiba ni Mahipus Jr., ang mga lakang nga adunay kalabotan sa kinaiyahan hinungdan nga sila ang nangusog sa pagduso sa balaudnon kalabot sa paglikay sa paggamit ug pipila ka mga plastic nga sa sagad maoy mohatud ug dakong epekto sa kinaiyahan.
Una ng nasayran sa opisyal nga usa sumala pa ang Pilipinas sa mga nasod sa kalibutan nga aduna pinakadaghan nga mogamit ug plastic hinungdan nga pinaagi sa single-use-plastic ordinance, makunhuran ang paggamit niini.
Nangayo na lamang karon ug pagsabot ni Mahipus ngadto sa katawhan nga unta sabton pag-ayo ang epekto sa kanunay nga paggamit ug plastic nga sagad molungtad pa ug 500 years ayha matunaw.
Angayan sumala pa nga kunhuran ang paggamit niini sanglit mohatud kini ug epekto dili lamang sa kinaiyahan kung dili lakip na sab sa mga tawo.
Kahinumduman nga pipila sa mga ginadili na nga gamiton ang gilangkuban sa disposable nga mga plastic bottle, plastic nga kutsara, tinidor, kutsilyo, stirrer ug daghanan pa.
