DAVAO CITY – Arestado ang usa ka pekeng dentista nga nagapahigayon og operasyon sa ilahang panimalay nga gihimong clinic sa may Purok Bagani, Sacred Heart, Brgy. Cuambogan, Tagum City, Davao del Norte.
Giila sa Tagum City Police Station ug CIDG – Davao del Norte ang suspek nga si Allen Kay Mata Dalubatan, 30 anyos, residente sa maong dapit.
Nasakpan si Dalubatan nga naglusad og dental procedures nga walay lisensya atol sa gilusad nga entrapment operation.
Nakumpiska gikan sa dinakpan ang mga dental equipment ug mga materyales sa pagkabit og braces sa ngipon.
Nasayran nga nakadawat sila og mga reklamo mahitungod sa illegal practice sa maong suspek.
Gikustodiya na ang suspek sa presinto samtang gikaatubang niini ang kasong kalapasan sa Republic Act 9484 kon ang Philippine Dental Act of 2007.
