DAVAO CITY – Laraw karon sa bag-ong konsehal ning dakbayan nga pahamtangan ug silot ang mga pedestrians nga nagsuot ug headphones samtang nagtabok sa mga kadalanan.
Sumala pa kang konsehal Jonard Dayap, plano niya nga moduso ug ordinansa aron nga masiguro ang kaluwasan sa mga pedestrian ug motorista.
Gitataw sab sa opisyal nga plano niya nga i-adopt ang susama nga ordinansa gikan sa Baguio City.
Kahinumduman nga ang nahisgutan nga ordinansa nga Baguio ang naaprubahan na sa ikatulo ug pinal nga pagbasa sa milabay nga Hunyo 24.
Sa bahin ni City Transport and Traffic Management Office (CTTMO) chief Dionisio Abude, pabor siya nga ipalabang ang nahisgutan nga balaudnon gumikan kay alang lamang kini sa kaluwasan sa katawhan ug malikayan ang disgrasya sa kadalanan.
