DAVAO CITY – Gipasidunggan sa City Goverment of Davao ang mga ahensya sa gobyerno ug pribadong sektor nga nitabang sa pagkamalahutayon sa programang Peace 911 nga nagsaulog sa ilang ika-limang anibersaryo kagahapon.
Nahatagan og pasidungog ang mga ahensya sa gobyerno sama sa AFP ug PNP, legal and health sectors, sektor sa indigenous peoples, mga konsehal, lakip mga lokal, nasyonal ug internasyonal nga mga stakeholders.
Gikanayon ni Peace 911 Focal Person Atty. Jonah Presto, mamahimong lugawayan pa sa musunod pang mga adlaw ug bulan ang operasyon sa maong programa nga unang gilusad kaniadtong 2018 alang sa mga kanhi conflict prone areas sa Paquibato area.
Mas mamahimomg halapad na ang operasyon sa Peace 911 nga ilusad sa mga barangay sa Marilog, Calinan, ug Toril.
Duna sab itaganang duha ka Peace 911 barangay coordinators nga mag-monitor sa mga kalihukan sa lugar.
Gipasalamatan ni Davao City Vice Mayor J Melchor Quitain Jr. ug Mayor Sebastian Duterte ang mga naglihok sa maong programa alang sa kalampusan nga mupatigbabaw ang kalinaw sa dakbayan nga nagdala sa pagkagawasnon sa insurhensiya niadtong tuig 2022.
via || Bombo LJF
